Tres personas el ya aresta el mga autoridad na un operacion contra droga ilegal na provincia del Tawi-Tawi, asegun con el policia del Jueves.
El policia de Tawi-Tawi ya identifica con el tres arestao personas como canda alias Nad, 29 años el edad; alias Al, 25; y si alias Walter, 32 años.
Asegun con el policia, con el mga sspechao ya aresta na un operacion contra droga ilegal maga alas 11:03 del Martes aga na Barangay Simandagit, Bongao, el capital del provincia de Tawi-Tawi.
Asegun con el policia, ya confisca na posesion del tres arestao suspechao 8.06 gramos de shabu enpaquetao na siete termosellada transparente sobrecitos plastico que tiene el valor de P54,808,un celpon, y dos portamoneda.
Con el mga arestao suspechao ya detene na quartel del policia na municipio del Bongao en preparacion para el plantada del asunto contra canila. (B. Garcia)