El 18th Infantry Battalion (18IB) ya conduci progama de extension comunitaria na uno del mga barangay na municipio de Tuburan, Basilan, asegun con el militar del Martes.
Asegun con Tiniente Coronel Mark Serapion Lagud Jr., el comandante del 18IB, el programa de extension comunitaria ya conduci del Lunes na Barangay Lower Tablas, municipio de Tuburan.
Asegun con Lagud, el servicio que ya rendi sila durante el programa de extension ya inclui libre cortada de pelo, libre consultacion con libre medicina, distribucion de mga cosas de escuela, enpaquetao comida, y programa de alimentacion.
Si Lagud ya habla, el actividad ya conduci en colaboracion con el gobierno del municipio de Tuburan, y varios socios comunitarios
Asegun con Lagud, el programa de extension comunitaria es parte del aca-52 aniversaro de fundacion del 101st Infantry Brigade con el tema de “Limampu’t Dalawang Taon na Paglilingkod: Matatag na 101Bde para sa Kapayapaan at Kaunlaran ng Basilan.”
El programa de extension ta servi como un poderosos recordatorio del importancia del participacion comunitaria y el impacto del esfuerzos colaborativo que puede mejora el vida del mga individuales y familias. (B. Garcia)