Zamboanga: 18IB tiene nuevo comandante

0
9
(Photo courtesy of 18th Infantry (Deo et Patria) Battalion)

El Philippine Army ya inicia cambio na liderato del 18th Infantry Battalion (IB) base na provincia del Basilan, asegun con el militar del Jueves.

Asegun con el 101st Infantry Brigade, con Tiniente Coronel Mark Serapion Lagud, Jr., ya designa como el nuevo comandante del 18IB, y ele ya releva con Tiniente Coronel Cyril Santander.

Si Lagud amo el antes oficial ejecutivo del 101st Infantry Brigade, base na provincia del Basilan.

Si Major General Gabriel Viray, III, el comandante del 1st Infantry Division, amo el quien ya encabesa con el ceremonia del cambio del mando que ya conduci na quartel del 18IB na Campo Uno, ciudad del Lamitan del Miercoles.

Na su mensaje de despedida, ya expresa su gratitud si Santander por el privilegio and confiansa ya dale conele como el comandante del 18IB.

(Photo courtesy of 18th Infantry (Deo et Patria) Battalion)

Si Santander ya recivi plaque de apreciacion que ta simbolisa su ondo coneccion con el mga autoridades local y con el comunidad bajo na jurisdiccion del 18IB.

Si Lagud, ya expresa su apreciacion con Santander for su exemplario liderato y direccion.

Ya expresa tamen si Lagud su gratitud por el honor y privilegio que ya dale conele para servi como el nuevo comandante del 18IB.

Ya comenda si Viray con Santander por su exepcional actuacion durante su turno como el comandante del 18IB.

Ya dale su confiansa si Viray con Lagud para encabesa con exelencia y acomplisi el mision mientras ta atende con el bienestar del batallon. (B. Garcia)

Leave a Reply