Sikop sa mga otoridad ang tigpayuhot sa ginadiling droga human mabitik atol sa gipahigayon nga drug buy-bust operation didto sa Barangay Miputak dakbayan sa Dipolog, kaganihang kaadlawon Abril 11,2024.
Ang dinakpan suspetsado nailhan nga si Roderick Pagador Tachado, 42 anyos, minyo ug nanimuyo sa Barangay Galas ning dakbayan.
Matud pa sa taho nasayran nga usa ka drug buy-bust operation ang gikasa sa mga sakop sa Zamboanga del Norte Provincial Drug Enforcement Unit (ZNPDEU) sa pagpangulo ni PCapt. Giovani Icalina, 901st MC, RMFB9 inabagan sa Dipolog City Police Station didto sa Barangay Miputak particular sa Dipolog Boulevard nianang mga alas 12:41 ang takna sa kadlawon kaganiha nga niresulta sa pagkasikop sa suspek.
Nasakmit gikan sa posisyon ug control sa suspetsado ang 21 ka putos sa ginadiling droga nga motimbang ug kwatro gramos ug adunay street value nga mobalor ug P27, 200.00 lakip na ang P500.00 peso bill isip mark money ug cellphone.
Ang suspetsado nagtingkagol na karon sa sulod sa selda sa Dipolog City Police Station. (Angelica T. Obina)
