Usa ka malampusong buy-bust operation ang nahimo sa kapulisan sa Police Regional Office (PRO-7) batok sa durugista.
Didto kini gipahigayon sa Sitio Upper, Barangay Bacayan, dakbayan sa Sugbo, sa nakalabay nga alas 7:45 sa gabii, Abril 9, 2024.
Ang suspetsado nga giila lang sa alyas Kenneth , hingkod ang panuigon, nakuhaan og mga binultong gituhuang shabu nga adunay timbang nga 1,500 gramos ug standard drug value nga P10,200,000.
“We have come a long way in our fight against illegal drugs and we continuously delivered significant gains because of our consistent supply reduction strategy for Central Visayas consistent with the objective of our collective goal of a safe community,” matod ni PBGen Anthony Aberin.
Sa nasayran nga gitaguan sa sanina ang mga nasakmit nga gituhuang shabu.
Ang suspetsado mag atubang og kasong kalapasan sa sections 5 ug 11 sa R.A 9165 o the Comprehensive Dangerous Drugs Act of 2002.
Sa pagkakaron ang mga ebedisiya atua sa Regional Forensics Unit para sa examination. (Renante Socia Lada)
📸 PRO-7
I via
