Kinse miembros del grupo de terorista local el ya rindi na autoridad na provincia del Maguindanao del Sur, asegun con el militar del Jueves.
Asegun con Tiniente General William Gonzales, el comandante del Western Mindanao Command, ocho del kinse rendidores mga miembros del “Daulah Islamiyah-Turaifie Group (DI-TG)” y el siete mga “Bangsamoro Islamic Freedom Fighters-Karialan Faction (BIFF-KF)”.
Asegun con Gonzales, el 15 miembros del grupo terorista local ya rendi del Lunes con el tropa del 6th Infantry Battalion (IB) na Maguindanao del Sur del Lunes.
Asegun con Gonzales, el mga miembros del DI-TG quien ya rendi mga residentes del Barangay Ganta, Shariff Saydona Mustapha, mientras el mga miembros del BIFF-KF que ya rendi de Barangay Penditin, Datu Salibo y Madia, Datu Saudi Ampatuan, Maguindanao del Sur.
Si Gonzales ya habla, el mga rendidores ya entrega mga diferente clase de rifles de alta calibre y un .45 pistola.
Si Gonzales ya atribui de ila rendida na sin descanso esfuerzo del 6IB y mga personajes de inteligencia na de ila jurisdiccion y colaboracion con todo partidos interesadas. (B. Garcia)