Total de 134 personajes del Western Mindanao Command (Westmincom) el ya esta bajo del obligao y surpresao examen de drogas, el Westmincom ya anuncia del Lunes.
Asegun con el Westmincon el obligao examen de drogas ya conduci del mga alas 8 del Jueves aga na gymnasium del Westmincom na Barangay Calarian, en este ciudad.
Asegun con el Westmincom, nohay ni uno el positivo na uso de droga ilegal base na resulta del examen.
Asegun con Major General Steve Crespillo, el comandante del Westmincom, el conducida del examen parte del estricto implementacion del “random drug test” na mando del fuersa armada dl Pilipinas.
“Importante para canamon, especialmente como mga servidor publico, para mantene el alto nivel de profesionalismo y disiplina todo’l tiempo,” asegun con Crespillo.
Con orgullo si Crepillo anuncia cay nohay ni uno del 134 personajes el positivo na uso de droga ilegal. (B. Garcia, photo courtesy of Westmincom)