El Departamento de Agricultura (DA) ya distribuji valor de P5.7 millones “inorganic fertilizers” o abono con mga agricultor aqui na ciudad de Zamboanga.
Asegun con el oficina regional del DA, con el abono compuesto de 4,504 saco, ya distribuji del Sabado con 27 asociaciones de irrigadores y agricultor del ciudad.
El distribucion del abono parte del programa del “Rice Competitive Enhancement Fund (RCEF) del DA.
Na su mensaje, el Alcalde John Dalipe ya habla cay significante el distribucion del abono para tene segurao y bastante comida.
Asegun con Dalipe, el distribucion del abono hinde lang un acto generoso sino un compromiso tamen para el prospero, y con seguridad de comida na futuro para del ciudad de Zamboanga.
(B. Garcia, photo courtesy of John Dalipe Facebook Page)