El provincia de Basilan, incluido el ciudad de Lamitan que bajo del Bangsamoro Autonomous Region in Muslim Mindanao (BARMM), con orgullo anuncia cay nohay ni un incidente relatao na uso de rebentador el ya socede durante el celebracion del año nuevo
Ese el ya confirma si Dr. Sharifa Abbas Alvarez, el oficial de salud provincial, hablando cay puera con el ciudad de Isabela que bajo na Region 9, el entero provincia de Basilan nohay registra algun incidentes relatao na uso de rebentador amediante el celebracion tradicional na recivida con el año nuevo.
Por causa del desarollo, si Gobernador Hadjiman Hataman-Salliman, ya comenda con el 101st Infantry Brigade bajo’l liderato de Brigadier General Alvin Luzon y policia que ta encabesa si Coronel Cerrazid Umabong na mantenida con el Basilan generalmente pacifico durante el celebracion de Pascua y Año Nuevo sin incidentes adversos.
Mientras tanto, 55 tambucho sin silenciador de motorsiclo el ya confisca el policia na ciudad de Lamitan cay ta causa esta alboroto.
Asegun con Police Lieutenant Colonel Arlan Delumpines, el jefe del policia na ciudad de Lamitan, con el mga tambucho ya confisca cuando ta conduci sila patrulla areredor del ciudad. (B. Garcia)