Once personajes del “Marine Battalion Landing Team-1” (MBLT-1) el ya subi el ranggo desde “Private” para na ranggo de “Private First Class”.
El ceremonya de “donning of ranks” ya ase del Biyernes na quartel del MBLT-1 na Barangay Batu-Batu, Panglima Sugala, Tawi-Tawi.
El mencionao ceremonya amo para dale honor con el mga soldao ya subi de ila ranggo.
Si Tiniente Coronel Rick Ganuelas, el comandante del MBLT-1, ya dale inspiracion con el mga tropa quien ya subi el ranggo para continua contribjui na acomplisimiento del mission del battalion.
El MBLT-1 es uno de mga battalion bajo mando del Segundo Birgada del Fuersa Marino base na provincia del Tawi-Tawi.
Myentrastanto, 12 personajes del MBLT-1 el ya designa para na mga companiya del mencionao battalion designao na diferente parte del provincia de Tawi-Tawi. (B. Garcia, photo courtesy of MBLT- 1)