Ya inagura y ya entrega el govierno local con el “Bureau of Fire Protection” el un nuevo construjido estacion de bombero na Barangay Talon-Talon del Sabado aga.
Con el inaguracion y entrego del nuevo facilidad ya encabesa el Alcalde John Dalipe y Vice Alcalde Josephine Pareja.
Con el facilidad ya recivi si Superintendent Christopher Morales, el hefe del bombero del ciudad.
Con el Proyecto que ya costa P7.2 milyones ya puede completa dentro lang na periodo de tres meses.
El facilidad tiene el anchor de 128 metro cuadrado que ya construji na 519 metro cuadrado propiedad del govierno na Barangay Talon-Talon.
Como suporta de suyu con el bombero, ya promete si Dalipe para designa un trak del “City Disaster Risk Reduction and Management Office” na estacion del bombero na Talon-Talon.
Ya rindi gracias si Morales con Dalipe y govierno local hablando cay ay esta protejido el comunidad na Talon-Talon y servanos lugar pormedio del nuevo estacion del bombero.
El facilidad na Barangay Talon-Talon amo el aka-22 estacion del bombero aqui na ciudad del Zamboanga. (B. Garcia, photo courtesy of City Hall PIO)