El 106th Infantry Battalion (106IB) del Philippine Army ya celebra del Deciembre 17 el segundo aniversario de fundacion del batallon conmemorando el dos años inquebrantable servicio, dedicacion, y exelencia, asegun con el militar del Martes.
Asegun con el 4th Civil Relations Group (4CRG), el celebracion ya hace na cuartel del 106IB na Barangay Lower Baluran, Imelda, Zamboanga Sibugay.
El 4CRG ya habla, el simple evento ya reuni con el mga soldao, familiares, y miembros de comunidad para refeja con el viaje del batallon y para reconoce el esencial contribuciones del mga clave partes interesadas.
Uno del importancia del aniversario amo el reconocimiento del partes interesadas en suportando con el iniciativas del batallon.
El 4CRG ya habla, ya honra durante el celebracion del aniversario con el mga negociantes local, lideres de comunidad y suportadores civilian por el de ila inquebrantable dedicacion y contribuciones con el 106IB.
Ya dale mga Plaques de Reconocimiento como regalo de gratitud, simbolizando el asociacion duradera entre el 106IB y el mga partes interesadas.
Si Tiniente Coronel Anshary Pumbaya, el comandante del 106IB ya expresa su profundo apreciacion por el dedicacion del mga partes interesadas na de ila suportada con el batallon. (B. Garcia)