El mga autoridad ya aresta dos personas y ya confisca mas de P8 millones smuggled cigarillo na un operacion de checkpoint na ciudad de Zamboanga, asegun con el policia del Martes.
El Zamboanga City Police Office (ZCPO) ya identifica con el dos arestao personas como canda Almohammad Sajili, 32 años el edad, chufer, y su ayudante, si Almujer Abdul, 22.
El ZCPO ya habla, con el dos personas ya aresta mga 6:15 del Martes aga na Paseo de Murga, Barangay Sta. Catalina, ciudad de Zamboanga.
Asegun con el ZCPO, el mga personajes del Zamboanga City Police Station 11 (ZCPS11) ya conduci operacion de checkpoint despues que ya recivi sila information cay un vehiculo cargao de contrabando hay pasa na Paseo de Murga, Barangay Sta. Catalina.
El policia ya confisca 141 cajon de diferentes clash del cigarillo que tiene el valor de P8,079,300.
Con el dos arestao personas y confiscao contrabando ya pone bajo’l custodia del ZCPS11 y hay entrega na Buro de Aduana para el propio disposicion. (B. Garcia)