El mga tropas del 104th Infantry Battalion (104IB) ya confisca cuatro armas de fuego de alta calibre y mga bala durante un patrulia de combate na provincia del Sulu, asegun con el militar del Domingo.
Si Tiniente Coronel Roy Dalumpines, el comandante del 104IB, ya habla con el mga armas de fuego ya confisca mga alas 9 del Jueves aga na Barangay Bakud, Siasi, Sulu.
Asegun con Dalumpines el mga armas de fuego que ya confisca su mga personajes ta inclui un rifle M16, dos Carbine, y un BAR. Ya confisca tamen mga bala y un bandolier.
Asegun con Dalumpines, antes del confiscacion del mga armas de fuego, el mga tropas ya puede sabe cay tiene un grupo de mga armao personas ta crea tension na comunidad.
Si Dalumpines ya habla, enseguidas ya conduci patrulia de combate el mga tropas que ya resulta na confiscacion del mga armas sin resistencia del mga armao personas.
Si Dalumpines ya habla, con el mga confiscao armas de fuego inmedietamente ya lleva na quartel del 104IB para el propio disposcion.
Si Dalumpines ya rendi su gratitud con el mga concierne residentes quien ya informa canila sobre el presencia del mga armao personas que ya resulta na confiscacion del mga armas del fuego. (B. Garcia)