El mga autoridad ya aresta un carpentero listao como persona mas buscada na provincia del Sultan Kudarat, asegun con el policia del Domingo.
El Police Regional Office-Bangsamoro Autonomous Region (PRO-BAR) nohay identifica con el arestao persona mas buscada quien un 59 años carpentero.
Asegun con el PRO-BAR, con el carpentero ya aresta durante el implementacion de un orden de aresto del Viernes na Purok Sampaguita, Barangay Poblacion, President Quirino, Sultan Kudarat.
Asegun con el policia, el arestao carpentero listao como el numero sinco persona mas buscada na municipio del President Quirino.
El policia ya habla, el arestao carpentero tiene pendiente orden de aresto con recomendao piansa de P14,800 por el crimen de homicidio que ya dale el un corte na ciudad de Cotabato del Octubre 29, 2024. (B. Garcia)