Total de 700 residentes del cuatro barangays na municipio del Languyan provincia del Tawi-Tawi el ya beneficia na serie del programa de servicio na comunidad que ya conduci el 212th Marine Company.
Asegun con el 212th Marine Company, el programa de servicio na communidad ya conduci del por siete dias del otro semana na Barangays Basnuruk, Parang Pantay, Tubig Dakula, y Darul Akram.
El servicios ya inclui session de psychosocial y educativo nutricion, y otro actividades como libre cortada de pelo, libre capada, distribucion de cosas de escuela, y distribucion de paquetes de comida.
Asegun con el 212th Marine Company, el actividad ya hace posible con el suporta del partes interesadas que ya inclui el Regional Health Unit, Department of Social Welfare and Development, Barangay Local Government Units, y gobierno local del Languyan.
Asegun con el 212th Marine Company, ya dona tamen el Canada-based Books for the Barrios mga libros educativo con mga bata na cuatro barangays.
El 212th Marine Company, hunto con el mga partes interesada, ya asegura cay mga programas y actividades efectivamente hay conduci, y mga bienes distribuido. (B. Garcia)