Dos individual listao como mga personas mas buscada el ya aresta el mga autoridad na operacion de aplicacion de ley na provincia del Maguindanao del Sur, asegun con el policia del Sabado.
El Police Regional Office-Bangsamoro Autonomous Region (PRO-BAR) nohay mas nombra con el dos arestao personas quien mga man hermano y clasificao como el mga numero cuatro personas mas buscada na region autonomo.
Asegun con el PRO-BAR, con el man hermano ya aresta na un operacion de aplicacion de ley por medio de implementa’r orden de aresto del Jueves na Sitio Remegubrob, Barangay Pilar, South Upi, Maguindanao del Sur.
Asegun con el policia, el dos arestao man hermano tiene pendiente orden de aresto por el crimen de matansa sin recomendao piansa que ya dale el un corte na ciudad de Cotabato del Marso 22, 2024.
Con el arestao man hermano ya pone bajo’l custodia del policia na Maguindanao del Sur para el propio disposicion. (B. Garcia)