Un pintor el ya aresta el mga autoridad na un campaña contra droga ilegal aqui na ciudad, asegun con el policia local del Miercoles.
El policia local ya nombra con el arestao pintor como si Erwin Jumaani, 45 años el edad y residente del Barangay Sta. Maria en este ciudad.
Asegun con el policia, con Jumaani ya aresta na un “buy-bust operation” mga alas 3:49 del Miercoles aga na Sitio Villa Sta. Maria, Barangay Sta. Maria, en este ciudad.
Asegun con el policia, ya puede recubri na posesion del pintor cuatro diutay paquetes de suspechao shabu que tiene el valor de P1,564 y P200 markao dinero.
Asegun con el policia, con el suspechao ya detene en prepacion para el plantada del asunto contra conele por violacion del Comprehensive Dangerous Drugs Act of 2002.
(B. Garcia)