Maisayangkat payen ti Capitol Express kadagiti lugar a pagturturungan iti grupo ni Gobernador Matthew Marcos Manotoc.
Daytoy ket kalpasan a bagkat ti gobernador dagiti nagduduma a serbisio ken tulong manipud iti kapitolio nga idanon kadagiti umili.
Iti umamyanan a paset ti probinsia iti nagsasaruno a tinurong ita nga aldaw ti gobernador a nangisayangkatan iti nasao a tignay.
Immuna iti ili nga Adams simmaruno iti Pagudpud, Dumalneg, Bangui, Burgos ken iti ili a Pasuquin.
Ingiddan metten ti gobernador iti nagibunong ti Food packs, grocery items, agri-inputs, nagduduma a klase ti agas, forest tree seedling ken school supplies kadagiti agad-adal nga ubing iti day care centers.
Dagiti benepisiario ket daiti baranggay official, tanod, barangay health officer, SK, Senior citizens, agtaltalon ken persons with disability.
Dagiti barangay works ket immawat iti tallo ribu a pisos, maysa a t-shirt ken noche Buena packs idinto a dagiti senior citizens, agtaltalon ken persons with diaabilities ket food packs, agri inputs, nagduduma a klase ti agas, forest tree seedlings ken school supplies kadaiti day care pupils.
Maragsakan met ti gobernador a nakakita manen kadagiti umili kasta met dagiti tattao gapu ta nakadanon manen ti gobernador iti lugar da a nangidanunan iti adu a pagsayaatan ken tulong para kadakuada.
Mangnamnama met dagiti lumugar nga agtultuloy daytoy a tignay ti gobernador gapu ta dakkel a tulong ken badangkadakuada nangruna kadagiti nakurang iti gasat na.
(Rod Sadian)
(Source: Provincial Government of Ilocos Norte)
