Cagayan de Oro – GIAGHAT sa kagamhanan ning syudad pinaagi sa City Local Environment and Natural Resources Office (Clenro) ang katawhan sa pagsunod ug pagtuman sa Republic Act 9003 o Ecological Solid Waste Management Act of 2000 ilabina ang mga opisyales sa kabarangayan atol sa gipahigayong Solid Waste Management Barangay Forum adlaw’ng Martes, Enero 30.
Matud ni Clenro Department Manager Engr. Armen A. Cuenca nga taas na nga panahon ang gihatag sa gobyerno nga pagsabot ug pagiya sa kabarangayan ilabina sa ‘waste segregation at source’ ug collection nga nag-unang katungdanan niini.
Gipasabot ni Engr. Cuenca nga daghan pa nga mga kabarangayan ang ubos og compliance sa proper solid waste management ug gihagit niini ang istriktong pagsunod ug pagpatuman sa maong balaodnon.
Samtang, gidayeg usab niini ang 100% compliant sa Barangay Pagatpat ug naglaum nga mahimo kining sumbanan sa ubang barangay.
Gihagit usab ni Clenro consultant ug kanhi konsehal Eric Salcedo ang tanang barangay sa pagtinabangay aron masulbad ang problema sa basura.
News and photo courtesy of CIO CDO
