El mga autoridad ya aresta un persona y ya confisca P5.7 millones valor de smuggled cigarillo na provincia del Lanao del Sur, asegun con el policia del Viernes.
Si Police Colonel Robert Daculan, el director del policia na Lanao del Sur, nohay nombra con el arestao persona quien un chuefer y residente del Barangay Poon municipio de Tugaya.
Asegun con Daculan, con el suspechao ya aresta mga alas 3:30 del Jueves aga na Barangay East Basak, ciudad de Marawi, Lanao del Sur.
Asegun con Daculan, ta conduci checkpoint el mga cuando ya hace sila para con un van para inspecciona.
Durante el inspeccion, el mga pulis ya descubri cay lleno de cajon de cigarillo sin el propio documento el van.
Asegun con Daculan, ya aresta con el chufer y ya confisca 100 cajon y 50 reams de cigarillo que tiene el valor de P5,700,000.
Si Daculan ya habla, con el suspechao hay planta el caso por violacion del Seccion 117 del Ley de Republica 10863 o mas conocido como el “Customs Modernization and Tariff Act.
Asegun con Daculan, el arestao suspechao y el mga confiscao cigarillo ya pone bajo’l custodia del policia na ciuad de Marawi para el propio disposicion. (B. Garcia)