El mga autoridad ya aresta un persona listao como el numero ocho objetivo personalidad de droga ilegal na region, asegun con el Philippine Drug Enforcement Agency (PDEA) del Viernes.
Si Maharani Gadaoi-Tosoc, el director del PDEA-Zamboanga Peninsula, ya identifica con el arestao suspechao como si Juve Sano Toledo, 35 años el edad.
Asegun con Tosoc, con Toledo ya aresta na un operacion de compra busto mga alas 10:15 del Miercoles aga na Purok Melodia, Barangay Poblacion, Ipil, Zamboanga Sibugay.
Asegun con Tosoc, ya confisca na posesion de Toledo 5;5 gramos del suspechao shabu que tiene el valor de P37,400, un celpon, un contenedor tubular, y dinero de compra busto.
Si Tosoc ya habla, con Toledo ya detene en preparacion para el plantada del caso contra conele por violacion del Secciones 5 y 11 del Articulo II del Ley Integral de Drogas Peligrosas de 2002.
Asegun con Tosoc, el mga operativas del PDEA ya conduci con el operacion de compra busto con el suporta del policia. (B. Garcia)