El mga ciudadanos de bejes bajo el “Field Office 5 (FO5)” del City Social Welfare and Development Office (CSWDO) ya expresa de ila apreciacion con Alcalde John Dalipe y govierno local por el dalida de incentivo de dinero y otoro beneficio para del de ila sector.
Este ya bene despues que el govierno local por medio del CSWDO ya facilita del Viernes el distribucion del incentivo de dinero con 60 “octogenarians” y “nonagenarians” na centro de anciano del Barangay Culianan.
Asegun con el asistente ejecutiva Edna Sumergido, 47 del 60 beneficiarios amo mga octogenarians y el otro 13 mga nonagenarians desde’l 26 barangays bajo’l CSWDO-FO5.
Aquellos quien ya recivi incentivo de dinero amo mga ciudadanos de bejes que ta queda na mga barrio de Zambowood, Mercedes, Taluksangay, Talabaan, Pasobolong, Salaan, Culianan, Cabaluay, Manicahan, Victoria, Sangali, Lamisahan, Bunguiao, Dulian, Cacao, Tolosa, Lansones, Guisao, Bolong, Lapakan, Landang-Laum, Landang-Gua, Manalipa, Busay, Tumalutap, y Pasilmanta.
Cada uno del mga octogenarians ya recivi P10,000 y cada uno del mga nonagenarians ya recivi P20,000 y ese de confirmidad na Ordinansa 539 del ciudad nombrao como el “Giving Benefits to Octogenarian and Nonagenarian Resident in Zamboanga City.
Asegun con Sumergido, ya visita tamen sila casa-en-casa y ya distribui incentivo con aquellos mga quien ta man lisud ya camina para anda recivi de ila beneficio. (B. Garcia, photo courtesy of City Hall PIO)