Un trabajante de construccion de quien nombre incluwido na lista del otoridad na campanya contra droga ilegal el ya aresta mga pulis na Barangay Vitali, aqui na ciudad de Zamboanga.
Si Police Captain Jova Agustin, el hefe del Zamboanga City Police Station 1 (ZCPS1), ya nombra con el arestao suspechao como si Jeffrey Francisco alias Pipi, 46 años el edad y residente de Calle Posporo, Barangay Vitali, este ciudad.
Asegun con Agustin cay con Francisco ya aresta na un “but-bust operation” mga alas 9:30 Biyernes denoche na Barangay Vitali.
Si Agustin ya habla cay ya puede confisca na posesion de Francisco suspechao shabu que tiene el valor de P2,000 y P200 markao sen compuesto de dos pedaso de P100.
Detenido si Francisco na ZCPS1 en preparacion para el plantada del formal asunto encontra conele. (B. Garcia, photo courtesy of ZCPS1)