Un persona quien ta enfrenta el asunto de “attempted murder” y tiene pendiente orden de aresto el ya aresta el pulisiya aqui na ciudad del Zamboanga.
Si Police Major Benzar Bairulla, el hefe del Zamboanga City Police Station 3 (ZCPS3), ya nombra con el arestao
“wanted” persona como si Anthony Oliverio, 29 años el edad y residente del Barangay Bunguiao, este ciudad.
Asegun con Bairulla cay con Oliverio ya aresta mga alas 9:45 Biyernes denoche por medio del un orden de aresto na Purok 4, Barangay Sinunuc, este ciudad.
Asegun con Bairulla el orden de aresto contra con Oliverio ya dale el un tribunal local del Enero 22, 2013 con el recomendao piansa de P120,000.
Si Oliverio bajo na custodiya ahora del ZCPS3 pendiente su entrega na concierne tribunal. (B. Garcia, photo courtesy of ZCPS3)