Un lider y un siguidores del New People’s Army (NPA) que ta opera na Norte Mindanao el ya rindi na autoridad na provincia del Lanao del Sur, el militar ya anuncia del Martes.
El Western Mindanao Command (Westmincom) ya nombra con el lider del NPA quien ya rindi como un tal Kiram y el siguidores como un tal Ram.
Si Kiram y si Ram voluntariamente ya rindi con Tiniente Coronel Eduard Sia-ed, el comandante del 5th Infantry Battalion na Barangay Pilintangan, Wao, Lanao del Sur del Domingo.
Si Kiram amo el presente interino secretria del “Sub-Regional Committee 5” y comandante del “Sub-Regional Operations Command” del “North Central Mindanao Regional Committee (NCMRC)”.
Si Ram un siguidores del Platoon Mercedes del NCMRC del NPA.
Asegun con Kiram y si Ram ya decidi sila rindi por causa del dificultad na vida que ta experiencia sila mientras ta desvia con el tropa de govierno quien sin descanso ta ase canila apas.
Asegun con el Westmincom, el si Kiram y Ram ya entrega dos pusil de alta calibre y mga bala.
El rindida del dos rebelde NPA un resulta del esfuerso del 103rd Infantry Brigade y 403rd Infantry Brigade. (B. Garcia) (Photo Courtesy of 5th Infantry Battalion)
