Sikop sa kapolisan ang duha ka sugarol sa manok human gidasmagan sa hiniusang pwersa sa kapolisan kauban ang mga personahe sa CIDG ning dakbayan niadtong nakalabay nga adlaw bag-ohay pa lamang.
Sikop gilayon ang duha ka sugarol human aktong nasakpan sa gipahigayon nga tari-tari didto sa Purok Parpagayo Brgy. Minaog ning dakbayan sa Dipolog.
Sa initial nga imbestigasyon nga nakalap ning inyong tigbalita, nakadawat ang kwerpo sa kapolisan ug timbre gikan sa usa ka concerned citizen maoy hinungdan nga gikasa ang maong operasyon.
Sa maong insidente sikop gilayon ang duha ka mananari samtang ang uban nanglumpat ug panagan ngadto na sa wala namahibal-e nga direksyon.
Nakompiska sa kapolisan sa maong lugar ang duha ka mga dead fighting cock ug uban pang mga gamit sa maong sugal.
Ang duha ka mga gambling violators anaa na karon sa custodiya sa Dipolog PNP.
(Mars Martisano, DXKD Correspondent)