Un high-value individual (HVI) suspechao el ya aresta myentras P8.8 milyones valor de droga ilegal el ya confisca mga otoridad na un campanya contra droga aqui na ciudad de Zamboanga.
Si Police Colonel Alexander Lorenzo, el Zamboanga City Police Office (ZCPO) director, ya nombra con el arestao HVI suspechao como si Adus Aming, 43 años el edad y un nativo de Siasi, Sulu.
Si Lorenzo ya habla cay con Aming ya aresta na un “buy-bust operation” maga ala 1:12 del Biyernes tarde na Sitio Caragasan, Barangay Maasin, este ciudad.
Asegun con Lorenzo ya puede confisca na posesion de Aming mas o menos 1.3 kilos de suspechao shabu con el valor de P8,840,000, dos bundels de “boodle money” que ya pone insima dos verdadero P500 markao sen.
Con el arestao suspechao ya detene en preparacion para el plantada del asunto encontra conele por violacion del Comprehensive Dangerous Drugs Act of 2002.
Con Aming aresta el combinao grupo del pulisiya y agentes del Philippine Drug Enforcement Agency. (B. Garcia, photo courtesy of ZCPO)