Gidakop sa mga tinugyanan sa kapulisan sa San Benito an isa ka mananagat human kini nakalapas sa Municipal Ordinance sa maong lungsod.
An suspek isa ka 46 anyos na layaki, menyo ug residente sa Barangay San Jose, Del Carmen, Surigao del Norte.
Basi sa imbestigasyon sa kapulisan sa San Benito an suspek nasakpan sa akto na nanagat sa kadagatan sa nahisgutang lungsod mga alas 5:43 nan hapon kagahapong adlawa sa may marine protected fish sanctuary rason nga nakalapas sa Sec. 67 ug 68, Municipal Ordinance no. 089-16 series of 2016 kon Comprehensive Municipal Fishery Code of San Benito.
Nasakmit sa posisyon sa suspek an isa ka pump boat, isa ka Honda Mega GX390 16-HP engine, isa ka pares na flippers, isa kabuok fishing hook, ug tuyo ka kilograms nga nagkalaing-lain klase sa isda sa kantidad P600.00.
Sa pagka kuman an nadakpang mananagat an jaon sa kustodiya sa San Benito MPS. (Mark James Lisondra)