Wildlife biologist nasawi habang gumagawa ng research sa Mt. Apo

Isang wildlife biologist ang nasawi habang nagsasagawa ng research sa Mount Apo.

Kinilala ni Supt. Ramel Hojilla, Kidapawan City Police Chief ang biktima na si James De Villa Alvarez, 27 years old at residente ng Itaas Lemery.

Ayon kay Hojilla, nagsasagawa ng research ang grupo ni Alvarez sa Mount Apo nang ito ay mahilo, magsuka at tuluyang nang nanghina. reptiles at amphibians na naninirahan sa Mount Apo ang target ng research group ni Alvarez na nagtapos ng Bachelor of Science in Biology.

Ipinabatid ng Red Cross na wala nang buhay si Alvarez nang dumating ang kanilang team sa ‘Ko Ong’ base camp.