Temporaryong naka impound karon ang walo ka mga sakyanan nga nasikop sa gipahigayong Nationwide Simultaneous Inspection sa tanang mga sakyanan lakip na sa sulod sa PNP Headquarters ug Camps nga gipangunahan sa PNP-Highway Patrol Group (HPG). Kini subay sa gipagula nga kamanduan ni PBGEN ALFRED S CORPUS, Regional Director sa Police Regional Office 12 nga rekisahon ang tanang mga sakyanan ingon man ang mga naga gawas sulod sa ilang buhatan. Alayon sa maong kamanduan nag pahigayon usab ug inspection sa nagkalain laing area of responsibility sa tibouk PRO12 ang mga ginsakpan sa Highway Patrol Group (HPG)nga miresulta sa pagka apprehend sa 267 ka mga sakyanan diin 88 niini ang single motorcycles, 8 ka tricycles, 37 ka pick-ups, 5 ka Bongo Multicabs, 1ka Jeep, 58 ka SUVs, ug 70 ka SEDAN Cars diin temporaryong gikustudiya sa PRO 12 parade ground under the supervision of PCOL BERNARD C TAMBAOAN, Deputy Regional Director for Administration (DRDA), PRO 12. Sa kinatibuk-an giawhag ang mga tag iya sa walo ka mga sakyanan nga nasikop nga gilayong asikasohon ang ilang mga papeles alang sa pag retrieve sa ilang mga na impound nga mga unit.
