CAGAYAN DE ORO CITY- Giklaro sa Department of Education nga nagpadayon ang enrolment karon sa mga tunghaan alang sa kindergarten, grade1, grade 7 ug grade 11 sa mga pampublikong tunghaan sa dakbayan sa Cagayan de Oro. Matud pa ni Alicia Anghay assistant school division superintendent sa Dep-Ed- CDO nga magpadayon kini nga pamaagi sa paglista sa mga bata apan walay personal nga interaction.
Kon sa una, ang enrolment face to face, ang bata ug ginikanan moanha sa tunghaan aron pagpalista karon aduna nay mga kausaban. Una, pwede na itext ang pagpa-enroll, ikaduha, online na niadtong adunay access niini ug ang ikatulo, duna nay mga drop boxes nga ipamutang sa mga eskwelahan.
Apan ang maong kausaban sa pagpalista alang lamang sa nasangpit nga ang-ang sa pagtuon. Ang grades 2 to 6 ingon man grades 8 to 10 considered nga na-enroll na. Busa sila na ang mopasa sa data sa estudyante ngadto sa sunod nga grade level, suma pa ni Anghay.
