Cebu City – “VSMMC is ready!”
Kini ang paghulagway sa kadaghuan sa Vicente Sotto Memorial Medical Center alang sa pagpahigayon na karong adlawa, Huwebes, Marso 4 sa unang hugna sa vaccination program alang sa mga medical frontliners sa maong tambalanan.
Masaligon si Dr. Helen V. Madamba, COVID-19 Chief Implementer sa VSMMC nga maayo ang dagan sa ilang unang adlaw sa pagbakuna batok sa Covid-19.
Kini basi sa subsub nilang pagpangandam alang niini.
“We have been preparing for the vaccine since the start of February…VSMMC is ready! We have given it our best effort. Di po kami nagkulang, and all we need to do is to make sure that all healthcare workers are fully informed about the decisions they can make,” mensahi ni Dr. Madamba.
Sa iyang bahin si Dr. Gerardo Aquino, VSMMC Chief mihangop nga mabakunahan na.
“Excited… because at last, nandito ang ating vaccine. Kami naman, ako personally, whatever vaccine available ay handang-handa na kaming [tumanggap].”
Kini ang pamahayag ni Dr. Aquino labot sa iyang gibati isip soon-to-be first COVID-19 vaccine recipient sa tunga-tungang kabisay-an. (Jhon Tadlip/JTY)
(News & photo courtesy of Department of Health-Central Visayas)
