Kumasa si Vice President Leni Eobredo sa hamon ni pdea o Philippine Drug Enforcement Agency Dir. Gen. Aaron Aquino na sumama sa anti-illegal drug operations ng mga otoridad.
Kaugnay ito ng isinagawang meeting ng Inter Agency Committee on Anti-Illegal drugs, kahapon.
Ayon kay Aquino, dapat na sumama mismo si Robredo sa mga operasyon ng otoridad upang malaman nito ang mga pagkukulang ng pamahalaan at kung ano ang nararapat nilang hakbang.
Dagdag pa ni Aquino, sa ganitong paraan malalaman ni Robredo ang katotohanan sa likod ng war on drugs.
Ayon naman sa bise presidente, pabor sa kaniya ang hamon ni Aquino dahil nais mismo niyang makita ang operasyon ng otoridad kontra illegal drugs.
“Meron bang mga lapses na ginagawa ang mga operatiba, meron ba kami maling ginagawa? Meron ba kaming mga defects ma’am na dapat itugma? So from there siguro mas maganda na mag join kayo (VP Robredo) just like the medias para transparent yung operations, legit yung operations na wala kaming ginagawa at nakikita na from the very start until the end is legit,” ani PDEA Dir. Gen. Aaron Aquino.
“Maraming salamat General (Aaron Aquino). Gustong gusto ko yan,” ani Vice President Leni Robredo.
