Gipatubag karon sa DepEd Cebu City Division kadtong magtutudlo nga nag upload sa iyang Tiktok account may labot sa duha niya ka mga tinun-an nga matud pa nangupya atol sa ilang examination.
Ang maong maestra giila nga si Carmela Presores aka Laagang Teacher nga nagtudlo sa Tisa National High School, Dakbayan sa Sugbo.
Gi hisgutan sa maong video ni Presores nga ang iyang duha ka mga tinun-an nagkudigo ug nag kupyahanay kini atol sa examination.
Iya pa kining hipapugos sa pagpaangkon kay kung dili muangkon iya kining gisi-on sa ilang atubangan.
Gitataw ni Roy Genares ang pricipal sa maong tunghaan nga naapiktuhan ang maong duha ka mga tinun-an kay naulaw kini pag ayo.
Mahinumduman basi sa datus gikan sa DepEd nga niadtong School Year 2021-2022 adunay 404 ka mga tinun-an ang naghikog ug kapin sa dos mil ang nisuway usab sa paghikog.
Sa maong panghitabo gikabalak-an nga maka mugna kini og depression sa duha ka mga tinun-an.
Hinuon nipasalig ang DepEd Cebu City Division nga ipaubos sa debriefing ang duha ka mga tinun-sn aron ilang ma overcome ang mga pag bully. (Renante Lada)