Giduso ni Davao del Norte 2nd District Representative Jose Manuel “JM” Lagdameo ang House Bill No. 9191 nga iyang gi-file sa Kongreso niadtong Mayo 21, 2026, nga nagtinguha sa pagbag-o sa Munisipyo sa Santo Tomas ngadto sa usa ka component city.
Sumala sa lokal nga panggamhanan, giisip kini nga usa ka importante nga lakang padulong sa mas paspas nga kalamboan, mas daghang oportunidad, ug mas lig-on nga pagkaila sa lungsod.
Sa miaging mga kalihokan, nagpahigayon usab og courtesy visit ang mga opisyal sa LGU Santo Tomas kang Cong. Lagdameo, diin gipadayag niya ang iyang suporta sa dugay nang tinguha sa lungsod nga mahatagan og city status.
Giila sa mga lider sa komunidad nga ang maong paninguha bunga sa panaghiusa ug kooperasyon sa katawhan ug lokal nga gobyerno alang sa mas maayong kaugmaon.(Camille Santos Naraga)(Source: Cotributed)