Davao: Patay ang usa ka media personality human sa insidente sa pagpamusil sa Pikit, Cotabato niadtong gabii sa Mayo 21, 2026

Patay ang usa ka DJ ug reporter sa lokal nga media human gipusil sa Barangay Fort Pikit, Malidegao Special Geographic Area–BARMM.

Ang biktima giila nga si Nestor “Teting” Micator.

Base sa inisyal nga imbestigasyon, nahitabo ang insidente pasado alas 7 sa gabii samtang sakay sa motorsiklo ang biktima uban sa iyang asawa duol sa ilang panimalay. Dili pa mailhi ang suspek nga miatake ug mipusil.

Gideklarar nga dead-on-arrival ang biktima human dal-on sa ospital. Luwas usab ang iyang asawa nga kauban niya sa maong higayon.

Giila si Micator nga usa usab ka aktibo nga miyembro sa komunidad ug nagserbisyo sa ilang barangay.

Sa karon, padayon ang imbestigasyon sa kapulisan aron mailhan ang responsable ug matino ang motibo sa krimen. .(Camille Santos Naraga)(Source: Cotributed)