Luwas nang nakauli sa nasud ang onse (11) ka Overseas Filipino Workers (OFWs) gikan sa Kuwait niadtong Mayo 22, 2026 pinaagi sa NAIA Terminal 3 isip kabahin sa padayon nga repatriation program sa gobyerno.
Gisugat sila sa mga ahensya sa gobyerno nga miatiman dayon ug naghatag og tabang sama sa pinansyal nga ayuda, pagkaon, serbisyong medikal, ug transportasyon pauli sa ilang mga pamilya.
Sumala sa mga otoridad, padayon ang suporta sa gobyerno pinaagi sa mga reintegration programs sama sa job matching, skills training, ug livelihood assistance aron matabangan sila sa bag-ong pagsugod sa ilang kinabuhi sa Pilipinas.