Usa ka driver sa van-for-hire ang namatay dihang mibangga ang gimaneho niyang van ngadto sa pampasaheroan nga bus sa usa ka intersection sa North Reclamation Area, Barangay Subangdaku, Syudad sa Mandaue, Huwebes, Pebrero 18, 2021.
Giila sa traffic investigators ang van driver nga namatay si Cristoper Dono, 37 anyos, taga sitio Tacan, Barangay Ibo, Dakbayan sa Lapu-Lapu.
Makita sa CCTV footage sa Mandaue City Command Center nga ang van nag dagan sa Ouano Avenue, mibangga sa kilid sa Ceres bus nga nagsubay sa E.O Perez St.
Gidala na ang driver sa bus sa bus ug gi kustodiya sa Traffic Management Unit sa Mandaue alang sa dugang imbestigasyon.
Nahitabo ang aksidente sa intersection sa duha ka karsada samtang wala pa mapasiga ang traffic lights tungod kay alas 4:58 sa buntag pa.
Nasayran nga ang traffic lights sa lugar mo sugod ug operate alas 5 sa buntag. l via Jhon Tadlip
(Source & photo courtesy of Bantay Mandaue-CDRMMO)
