Upat ka lugar ang positibo sa makahilo nga red tide, matod sa BFAR Positibo gihapon kining mga lugara sa paralytic shellfish poison o red tide sugod Mayo 3, 2024.
Ang Department of Agriculture-Bureau of Fisheries and Aquatic Resources (BFAR) niingon nga makahilo nga red tide nga lapas sa regulatory limit ang namatikdan sa upat ka mga lugar.
Kini nga mga lugar mao ang: kabaybayonan sa Dauis ug Tagbilaran City sa Bohol, Matarinao Bay sa Eastern Samar, Dumanquillas Bay sa Zamboanga del Sur, ug kabaybayonan sa San Benito sa Surigao del Norte.
Hinuon, luwas ra nga kan-onon ang isda, nukos, hipon, ug alimango basta presko lang kini, hugasan pag-ayo. Matud pa sa BFAR. (Ting Joe Pepito)