Gilusad sa City Heath Office kauban ang Department of Health-Center for Health Development in Northern Mindanao ang kampanya alang sa pagpabakuna sa mga kabataan batok tipdas, rubella ug human papilomavirus o HPV dinhi sa Cagayan de Oro sugod karong adlawa ug molungtad hangtud Nobyembre 25, 2020.
Tumong sa pagbakuna nga mapugngan ug masumpo usab ang kaso sa tipdas ilabina sa mga kabataan nga nag-edad og 9 ka bulan hangtud 59 ka bulan.
Samtang ang HPV, bakuna usab alang sa mga nag-edad og 9 anyos hangtud 14 anyos nga mga batang babaye agi’g proteksiyon batok cervical cancer nga sarang usa sa mga nag-unang sakit sa mga kababayen-an.
Tungod niini, nanawagan ang City Health Office sa pagpangulo ni Dr. Lorraine Nery ngadto sa mga ginikanan nga dalhon ang ilang mga anak sa barangay health centers sugod karong adlawa.
Gisiguro sa CHO nga ang bakuna batok tipdas, rubella ug HPV luwas ug epektibo nga napamatud-an sulod na sa 40 ka tuig. (City Information Office)