Cebu City – Subsob karon ang pagtrabaho sa bag-ong vaccination site sa pipila ka area sa Syudad sa Lapu-Lapu.
Gibutyag ni Mayor Junard Chan nga padayon gihapon nga nagset-up ang mga personnel sa IT Office para sa mga computers ug network nga gamiton sa bag-ong vaccination site nga mao ang Mactan Newtown.
Anaa kini nahimutang sa GF World Pacific Tower nga kilid sa Savoy Hotel.
Gipahibaw ni Chan nga dili modawat ug walk-ins sa maong site ug dunay schedule nga tag 600 ka taw alang sa magpabakuna sa maong lugar.
“Gawas pa kini sa 1,000 ka mga indibidwal matag site sama sa Hoopsdome, City Auditorium ug sa Island Central Mall. Atong gidahom nga moabot og 3,600 ang kinatibuk-an nga atong maserbisyohan karong adlawa (Monday July 19, 2021),” matod ni Chan.
Tungod kay Holiday ugmang adlawa, ipasirado sa mayor ang upat ka vaccination sites ug sa pag abli og balik adunay nay mapuno nga laing vaccination nga nahimutang sa Waterfront Mactan Hotel (Airport).
Hinoon, suma pa niini nga wala pay ensaktong adlaw kung kanus-a kini paga ablihan.
Gipasabot maong opisyal sa syudad nga kabahin kining tanan sa paningkamot nga mabakunahan ang matag Oponganon para sa personal nga proteksyon ug sa tagsa tagsa ka pamilya. Â (Jhon Tadlip)
(News & photos courtesy of Lapu-Lapu City Public Information Office)