Cebu City – Gihangyo ni Land Transportation Franchising and Regulatory Board ( LTFRB-7) Director Eduardo Montealto Jr. ang mga operators ug drivers sa ilang Libreng Sakay Service Contracting Program nga magpailob lang usa.
Gi-angkon ni Montealto nga dunay delay sa pag release sa ilang payout gumikan sa daghang mga factors.
Kini naglakip sa pagkalangan sa shipment sa hard copy sa ilang records ngadto sa central office.
Apan gibutyag sa opisyal nga ila nang na comply ang submission sa soft copies sa maong mga dokumento.
Ang LTFRB Central Office, matod ni Montealto, mi proseso sab sa payout request alang sa ubang program beneficiaries sa Central Visayas, dili lang sa Metro Cebu.
Niadtong Hulyo 1, 2021, temporaryo nga gipahunong ang service contracting ug “Libreng Sakay” program gumikan kay ang effectivity sa Bayanihan to Recover as One Act, or Bayanihan 2 Law, napopos na. (Jhon Tadlip)
(News & photo courtesy of LTFRB 7)
