Davao City – Mukabat sa 5,000 ka mga Overseas Filipino Workers (OFW) ang nakabenipisyo sa bakuna kontra Covid-19. Kini human nga gisugdan ang vaccination program alang sa mga OFW niadtong Miyerkules, Agosto 18, nga gipahigayon sa Matina Town Square dinhi sa dakbayan sa dabaw.
Gibutyag sa kagamhanang lokal ning dakbayan nga dugay na nga gireklamo sa mga OFW nga unta mahatagan sila og prayoridad labi na nga daghang mga overseas employer ang naga pangita og mga fully vaccinated na nga mga empleyado.
Aduna usa’y mga OFW ang nagapangutana og particular nga brand sa bakuna isip requirement sa pagtrabaho gawas sa nasud. Moderna vaccines ang gihatag sa mga OFW sa unang adlaw sa bakuna, apan mag agad na sa sunod nga mga adlaw og unsa nga bakuna ang available.
Anaa sa 500 ka mga sea-based ug land-based OFW ang makabenepisyo sa OFW vaccination kada adlaw nga mulungtad hangtud sa Setyembre 2 ning kasamtangang tuig.
(Source: Davao City Information Office)