Wala gibati sa ka kapoy ang bantan ong deputy speaker ug congressman Rogelio D. Pacquiao sa iyang pag tuyo ug adto aron bisitahan ang mga anaa sa hilit ug bukirong bahin nga mga barangay sa Malapatan sakop sa probinsya sa Sarangani. Subay niini gikalipay pag ayo sa abtik nga mayora sa maong munisipyo ang paghatag ug pag tagad sa ilang mga gipangayo pinaagi sa tabang sa probinsya nga gipangunahan ni Gov. Steve Chiongbian Solon hilabi na gayud sa pag channel ug mga pondo ni Cong. Ruel Pacquiao gikan sa pondo sa nasyonal nga panggamhanan.
Halos walay kasudlan sa ilang kalipay ang Barangay Upper Mainit, Barangay San Miguel, Barangay JP Laurel, ug Barangay Kawayan human personal nga gi tambungan ni Cong. Ruel Pacquiao ang pag turn over ug pag blessing sa maong mga multi purpose Building diin mikantidad ngadto sa tag tuli ka milyon matag usa.
Gibutyag usab sa maong mga kapitan atul sa ilang speech nga imposible gayud nila matukod pinaagi sa ilang gamay nga mga pondo ang maong mga building apan sa dakong kasing kasing sa ilang mayora nga si Mayor Tessa Constantino nahimong posible ang tanan inabagan sa tanang gigamit nga mga tawo sa Ginoo.
Wala usab gisayang ni cong. Ruel Pacquiao ang tsansa nga i ground breaking ang mga dagkong proyekto sa pag himo ug mga dalan sumpay ug pasulod sa munisipalidad sa Malungon. Mokabat ngadto sa 103 million ang kantidad sa road concreting projects nga takdang tapuson bag -o pa mahuman ang tuig.
Sa kinatibuk-an gipasalamatan sa mga katawhan ug mga Barangay Officials lakip ang municipal Council ingon man ang mga tribal leaders sa maong dapit. Dili ikabaylo ug salapi ang tinoud nga pag serbisyo nga ilang natagamtaman tungod sa pagsalig nila sa ilang mga lider sa probinsya , munisipyo, ug barangay.
Lauman matud pa ang daghan pang mga proyekto nga ihatud sa pag panguna ni deputy speaker ug Congressman Rogelio D. Pacquiao. (Cris Legaspi, RPN DXDX GenSan OIC)