Nakauwi na ang kauna-unahang Pilipino na gumaling sa coronavirus disease 2019 (COVID-19).
Ayon sa Department of Health (DOH), ang pasyente na nakarekober sa virus ay si PH-14 na isang 46 na taong gulang na lalaki na nagpakita ng sintomas gaya ng ubo at lagnat noong Pebrero 25, 2020.
Dinala ito sa Makati Medical Center noong Marso 5 at nakumpirmang positibo ito sa COVID-19 noong Marso 9.
Samantala, dalawang beses naman nag negatibo sa COVID-19 ang naturang pasyente bago pinauwi.