Unang Philippine Industrial Summit gihimo sa CdeO

Unang Philippine Industrial Summit gihimo sa CdeO

by RPN News
35 views

Ang pinakaunang Philippine Industrial Summit gibuksan kagahapong adlawa, Nobyembre 25 dinhi sa Cagayan de Oro  pinaagi sa usa ka exhibit nga gitambongan sa 25 ka mga locators sa Philippine Industrial Authority sa Misamis Oriental.

Sa pamahayag ni Phividec Administrator Franklin Quijano nga sa nakalabay nga katuigan ang industriyalisasyon nagkaluya. Sukwahi sa nakalabay nga duha o 3 ka dekada nga malambuon kaayo ang industriya. Gani pa man, mamugna ang mga basketball teams tungod sa paglabong sa industriya, matud ni Quijano.

Silong sa temang “Building the Industrial Philippines”, ang tulo ka adlaw nga summit mao ang magbukas sa  pagsugod sa industrial revolution nga maoy magtakda sa nasyon sa pagtukmod ngadto na sa global economic platform.

Ang maong panagtigom gitambongan sa nagkalain-laing industriya apil na sa mga liders sa private ug public sectors, government agencies, policy makers ug miembro sa academe.

Ang mga participante molambigit sa importanteng diskusyon sa pagmugna sa networks, cohesive vision sa usa ka modern industry ug pagbinayloay sa mga idea aron sa paghatag aksyon niini.

0 comment

Related Posts