Cebu City- Nakarekober ang usa sa duha ka pasyente sa coronavirus disease kun Covid 19 sa dakbayan sa Lapulapu.
Nahibaw-an sa miaging adlaw nga ang unang nagpositibo sa virus sa Lapulapu ang naulian.
Segun sa rekord sa Department of Health kun DOH 7, dugang duha ka pasyente sa COVID-19 ang naayo sa impeksyon niadtong Sabado diin ang usa sa dakbayan sa Sugbo.
Tungod niini, matod sa DOH 7, miabot na og napu ang nakarekober sa sakit dinhi sa rehiyon.
Ang naulian sa Lapulapu usa ka 70 anyos nga lalaki samtang sa Cebu City 69 anyos usab nga babaye.
Gipahibawo usab sa DOH 7 nga hangtod sa maong adlaw wala nay bag-ong kaso nga nadugang sa ihap sa mga nataptan sa COVID-19 sa Central Visayas ug wala na usay namatay.
Pagka karon, nagpabiling 34 ang gidaghanon sa mga positibo sa virus sa region 7 ug unomang patay.
Si Dr. Jaime Bernadas, director of DOH 7, mipaila og bag-ong protocol nga mag-ila sa pasyente nga makarekober sa sakit ug kini mao ang ‘laboratory negative