Nahimong epektibo ang gipatumang total lockdown sa LGU-GenSan, kagahapong adlawa, isip kabahin sa mas gipahigutang kampaniya aron magpabiling luwas ang dakyaban sa bahad sa coronavirus disease 2019.
Atol sa paglibot-suroy sa mga dagkong kadalanan sa 26 ka mga barangay sa siyudad, nakitang nituman usab ang mga residente sa pahimangno nga magpuyo sa ilahang panimalay ug likayan ang mga non-essential, non-emergency travels.
Nahimong epektibo usab ang gimuntar nga mga checkpoints sa nagkadaiyang entry ug exit points sa matag barangay, aron daling mabadlong ang mga motorista nga nagsuway pa sa paggawas sa ilahang panimalay.