Basi sa DOH Caraga report na tagpagawas ni Dr. Jose Llacuna Jr., tuyo na an nangamatay sa CoViD-19 dinhi sa atong rehiyon.
An ikaduha nga namatay isa ka 30 anyos na layaki taga Butuan City. Niadtong Agosto 5 nakitaan siya sa COVID-19 signs and symptoms, nagpakonsulta niadtong Agosto 11 dajon tag-admit sa isa ka private hospital. Paglabay sa upat ka adlaw namatay an pasyente.
An ikatuyo na namatay isa ka 79 anyos na babaje na taga Kitcharao, Diabetic and Hypertensive, nakitaan nan signs and symptoms sa CoViD-19 niadtong Agosto 4. Nagpakonsulta kini sa district hospital niadtong Agosto 11 dajon tagrefer sa isa ka private health facility sa Butuan City. Waya pa mag 24 hours gikan sa idja pagka-admit namatay kini. Ang tulo ka mga nakalas na kinabuhi gikonpirmar sa DOH na sila nagpositive sa RT-PCR.
Kahinumduman an unang napatay na confirmed positive sa CoViD-19 dinhi sa rehiyon an isa ka 55 anyos na layaki, taga Butuan City niadtong Hulyo 22, 2020 natakdan sa virus tungod sa local transmission ug wayay history of travel gawas sa Butuan City.
(DOH-CHD Caraga | PIA 13 | RPN DXKS Surigao)
Details of DOH Report click this link:
https://www.facebook.com/1427050990643243/posts/3719852754696377/
Click the official announcement of Dr. Jose Llacuna Jr.:
https://www.facebook.com/1427050990643243/posts/3719773814704271/
Â
